ماذا تفعل لو جوالك وقع فى الماء

بسم الله الرحمن الرحيم
السلام عليكم ورحمة الله وبركاته

موضوعنا النهارده خطييييييييير وبيحصل كتير غصب عننا
نعمل ايه لو الموبايل وقع ف الميه
يعنى نسعفه ازاى
هنا الموضوع ذات شقين هنبدأ بالاول:
اولا: لو الموبايل وقع عليه شوية ميه صغيرين:
فى الحاله ديه بكل هدوء اعصاب وبدون توترامسح الميه كويس ولو تليفونك وشه بيتفك فكه وامسح الميه
كل هذا بعد فك البطاريه من التليفون
لآننا لازم نفصل التيار او الكهربيه عن الموبايل علشان ميحصلش قفله بسبب الميه
ونسيب الموبايل لمده معينه حسب كميه الميه اللى وقعت عليه فى الهواء او الشمس
ويستحسن نحطه ف الشمس ولو عندنا سشوار ياريت
وما نحاولش نشغل الجهاز الآ تانى يوم للاطمئنان

اما عن تانى حاله
ثانيا:لو الموبايل غرق ف الميه
اتبع نفس الخطوات السابقه
واهمهم فصل البطاريه عن الجهاز
وبعد عمل الاسعافات اذهب الى متخصص صيانه لو قلبك ضعيف ومعندكش مفك
واحكيله وقوله انك فصلت البطاريه ونظفته من بره
اما لو قلبك جامد ومعاك مفك وبتحب الخراب
خليك معايا وانت تكسب
فك الموبايل بحرص شديد واحده واحده
وحاسب فلاتات الشاشه
وافصل البطاريه قبل ماتفك
المطلوب انك تجيب قطعة قماش
و(بنزين تنظيف) او البنزين الابيض خليك فاكر تنظيف مش
من السياره وفرشة اسنان قديمه
قم بفك اغطية الحمايه التى تغطى الايسيهات الخاصه بالجهاز ضع الفرشاه فى البنزين وبعد ان تخرج بردة الجهاز الخضراء
قم بدعكها بالفرشاه جيدا مره تلو الاخرى
وغرقها بنزين وماتخافش على ضمانتى
بعد التنظيف بالبنزين
امسح البرده جيدا بقطعة القماش
واترك البرده تنشف من البنزين لمده ساعه تقريبا
وبعد كده جمع الموبايل تانى وادعيلى