طريقة عمل المثلوثة بالخطوات

المثلوثه أكلة سعودية حلوة وهي عبارة عن باديه مكونه من ثلاث طبقات
طبقة جريش
وطبقه خبز مسح تشريب
وطبقة أرز

راح نشرح كل طبقه كيف راح نسويها

المقادير الجريش

كأسين حب جريش
2ونص لتر لبن
ماجي قليل الملح
ملعقة صغيرة كمون
2 بصل مفروم ناعم

مقادير التشريب لخبز المسح

بطاطس مكعبات
جزر مكعبات
كوسا
كيس خضار مشكلة
طماطم مقطعة
بصل مفروم
ليمون اسود
ماجي
صلصلة
فلفل اسود
خبز مسح
سمن
صلصه
دجاجه مقطعه نصفين

الطريقة

أول شئ نعمل الجريش
نجيب القدر ونحط شويه زيت وبعدين البصل ونحمسه على نار خفيفه لأنه مانبغى البصل يتغير لونه
بس يلين ونضيف الماجي والكمون بعدين نضيف اللبن ونظل نحرك عشان ما يفصل اللبن معانا ونظل نحرك حتى
يصل لمرحلة الغليان نضيف الجريش المغسول ونظلنا نحرك ختى يثقل المزيج
يعني تصيرين تشوفين حبات الجريش
تبان من فوق هنا خففي النار مرررررة هادئه وحطي قطعة حديده تحت القدر وغطيها بالقصدير
وأتركيه يطبخ لمده 3 الى اربع ساعات
وبعد مرور الوقت فكي الغطاء والقصدير وأظربي الجريش بمضرب خشب وخليه على جنب

الحين نعمل المرق حق التشريب
احمسي البصل مع الماجي والبهارات الي عندك تستخدمينها للمرق وبعدين أضيفي الدجاج والماء وأتركيه يغلي
الي ان تستوي الدجاجه
بعدين أرفعي الدجاجه وحطيه على جنب الحين
المرق الي صار عندنا نقسمه نصين
كل واحد بقدر
قدر راح نضيف له الخضرة الي عندنا المقطعه والصلصه والطماط ونخليه يطبخ الي ان تستوي الخضرة
والقدر الثاني نضيف له الارز ونسوي الارز مجبوس فيه
نراعي طبعا كميه الماء لأننا راح نظيف زياده ماء ونضيف شوية ملح
بعد ما يستوي المرق
نجيب الخبز المسح ونحطه بقدر كبير عشان نقدر نقلبه ونحط له المرق فوقه بدون الخضرة
ونخليه فترة عشان يتشرب المرق الي فيه
الحين نسوي حشو بصل عادي ومكسرات محموسه
نأخذ نص من الحشو ونضيفه للخبز المسح
نحمر الدجاجه بالفرن بعد مانمسحها بخليط مكون من زيت وشويه كركم وفلفل اسود وملح وصلصه
الحين جينا لطريقة التقديم

أول شئ نحط طبقة الجريش

ثاني شئ نحط الخبز الي رشيناه بالمرق وشويه من حشوا البصل ونحط الخضرة الي كانت بالقدر

الحين نحط الارز

وبعدين فوقه نصف الدجاج ونحط الحشو البصل والمكسرات ونزينه
ونرش فوقه سمن بلدي

ترى تحسونه خطوات كثيرة
بس ترى يستاهل الطعم كثير حلوووو

وبالهنــــــــــا والعافيـــــــــــة

تسلم ايدك على الاكلات دى